Piloti holandez Max Verstappen triumfoi në Çmimin e Madh të Amerikës në Formula 1, duke udhëhequr garën nga fillimi deri në fund pa asnjë rrezik serioz.

Në start, Lando Norris humbi vendin e dytë ndaj Charles Leclerc, ndërsa Verstappen ruajti pozicionin e parë dhe krijoi distancë të sigurt.

Pjesa e parë e garës u karakterizua nga përpjekjet e Norris për të kaluar Leclercun, i cili kishte nisur me goma të buta, ndërsa shumica e makinave të tjera kryesuese ishin me goma të mesme.

Pas rifillimit të garës, Norris më në fund arriti të parakalonte Leclerc dhe të rikthehej në vendin e dytë, por Verstappen tashmë kishte krijuar një epërsi prej 10 sekondash.

Leclerc ishte i pari që ndaloi për ndërrim gomash, gjë që e ndihmoi të dilte përpara Norrisit pas pit stop-it. Megjithatë, në fazën finale të garës, Norris ia doli të kalonte sërish francezin dhe ta mbyllte garën në vendin e dytë.

Leclerc përfundoi i treti, Hamilton në të katërtin, ndërsa Piastri, Russell, Tsunoda, Hulkenberg, Bearman dhe Alonso plotësuan dhjetëshen më të mirë.

Në renditjen e kampionatit, Norris ka ulur diferencën me Piastrin në vetëm 14 pikë, ndërsa Verstappen është afruar në 26 pikë nga kreu.